一千空一暝(tsi̍t tshing khòng tsi̍t mê) （波斯文： هزار و یک شب, 羅馬字表記：Hazār-o Yak Šab；阿拉伯文： كتاب ألف ليلة وليلة, 羅馬字表記：Kitāb 'Alf Layla wa-Layla）是對阿拉伯佮波斯傳出來的一系統的故事，這本文集是中世紀西南亞（中東）的文學敘事詩，主題是講一个號做山努亞(Shahryar)的國王因為某反背伊，choaⁿ仔逐暗攏佮一个在室女睏，天光就共刣死，宰相的查某囝舍赫拉查達(Scheherazade)(波斯的夏扎德(Shahrzad))煞甘願嫁予王，為著莫去予王佇天拆笚就共刣死，一逐暗講古予伊的翁婿聽，閣刁工逐暗攏共故事停佇咧予人心肝hiāuⁿ-hiāuⁿ真緊張的所在，直直講超過一千空一暝。
窮實這規套故事創作的時間應該有用幾仔个世紀，講古的人各樣，閣講古的手路嘛各樣，總是遮的故事有影soà-phah，較出名的比論：阿拉丁(Aladdin)、阿里巴巴(Ali Baba)佮四十个舂乓賊和水夫辛巴達(Sinbad)七擺過洋等等，算是差不多逐所在攏定聽著的故事。