FANDOM


中秋節(Tiong-tshiu-tseh)是東亞地區的一个節日,時間是舊曆八月十五,按華人的傳統,佇這工,親情朋友會相招去好風景的所在逐家開講、看月娘、食月餅佮柚仔,佇臺灣,嘛真流行烘肉、食油飯。

一般中秋節上捷聽著的是素娥(嫦娥 )飛向月娘的故事,閣來就是同齊和素娥蹛佇月娘頂懸的兔仔,佮綿爛佇遐咧剉一欉剉袂倒的樹仔的吳剛。

根頭 修改

中秋節的根頭今已經真僫稽考矣,有一款講法是舊曆八月十五拄好是舊曆秋天的半中欄,號做"中秋",以早認為這日的月娘上圓嘛上光,所以相招佇這工看月娘。

嘛有講中秋節窮實佮古早古早拜月神,或者是收成了後做鬧熱有關係。

越南節中秋 ("Tết Trung Thu")的根頭修改

越南(人因)嘛有中秋節,越南話號做Tết Trung Thu ( 節中秋 ),若(人因)講的根頭是8世紀的時有一个皇帝叫做 Minh-Hoang,Minh-Hoang chhōa伊的皇帝娘Duong Quy Pho去一个邊,佇遐月娘照甲光光光,Minh-Hoang共伊為Duong Quy Pho寫的讀予伊聽。

日本韓國的中秋節 修改

日本有二个中秋節修改

日本人共中秋節號做"月見",(人因)毋若但佇舊曆八月十五暗時,嘛佇九月十三的暗時看月娘,(人因)共八月十五的月娘號做芋名月( いもめいげつ ),九月十三的月娘叫做栗名月( くりめいげつ);嘛有人講豆名月( まめめいげつ )。

八月十五暗時,日本人會佇看月娘的所在排桌仔拜拜,用菅芒妝娗,共中秋節麻糍( 月見団子 )、芋仔、 毛豆貯咧,排咧,做伙看月娘,嘛相佮求好年冬。

全世界干焦日本人加做一工九月十三,怹彼工會用大豆栗子來祭拜,彼陣大豆佮栗仔拄著時,這嘛是為甚物彼工的月娘叫做栗名月抑是豆名月的原因。

韓國的中秋節修改

韓國人怹原仔有佇舊曆八月十五看月娘的風俗,韓國話共中秋節號做秋夕 ( 呼音: tshiu-soo-khu ),彼工逐个歇睏,和故鄉的親情團圓,算是怹過年和鬼節以外的第三个大節日,怹彼工會食號做松餅的四秀