FANDOM


五嶋宓多里(Gōo-tó Bi̍t-to-lí) (日文:五嶋 みどり;羅馬字表記:Gotô Midori;1971年10月25—),美國籍的日本提琴家,出世佇大阪,簡稱做"宓多里",頭先華人共伊的名姓用漢文寫做"五嶋綠",名是照"みどり"的意思翻做"綠"。

伊的阿母佇宓多里兩歲時發見伊會曉哼幾仔工前聽過的巴哈(Bach)旋律,就開始教伊的琴,六歲頭擺公演,奏帕格尼尼(Paganini)的24首奇想曲,1982年母囝搬出去佇紐約(New York),佇遐拜出名的提琴先生桃樂絲‧迪蕾(Dorothy DeLay)做師父,仝彼年伊和祖賓‧梅塔(Zubin Mehta)指揮的紐約愛樂鬥陣公演,宓多里後來佮梅塔相佮對索尼古典(Sony Classical)錄誠濟張光碟1985年時伊的生涯的一个路站碑,伊彼年佇檀格塢(Tanglewood)的演出今已經是傳奇,伊毋但挨斷兩支琴的E絃,指揮雷歐納德‧伯恩斯坦(Leonard Bernstein)閣感動甲跪蹛伊面頭前,隔轉日的紐約時報頭頁大報這層代誌。