FANDOM


亞斯文(英文:Aswan)是埃及國內的尼羅河(英文: Nile)頭一个水沖彼箍圍仔的一个城市,佇遮,仝總有兩个水閘迒過河: 較新的亞斯文懸水庫(A-su-bûn kuân tsuí-khòo)佮較舊的亞斯文水庫(A-su-bûn tsuí-khòo) (嘛叫做亞斯文下水閘)(A-su-bûn kē tsuí-tsa̍h)。

尼羅河若無做水閘起水庫,逐冬的熱人攏淹大水,大水會對東非洲順流沖落去,自古早時代,尼羅河兩岸的土地是靠這一冬一擺的大水送來的養份佮礦物質,塗肉有肥,毋才合得種作。

問題是尼羅河兩爿的人口成長起來了後,局不局著設法控制大水,來保護田地佮棉仔園,這是因為做水的時陣,農作物可能會規个流去,閣水焦的時,煞會洘旱兼造成飢荒。

頂懸講的水閘工事,著是治水的過厄的一部份,目的是欲除防大水、發電,並且對田園提供水源。