FANDOM


交響曲 (Kau-hiáng-khik),是為交響樂團作的長篇創作曲,一般分幾若个樂章

18世紀尾佇德語世界的古典式交響曲有四樂章:頭一章一般是快奏的奏鳴曲(sonata)形式;第二章放慢;第三章會使是小步舞曲(minuet)佮三重奏(trio)抑是舞曲式(scherzo)的形式;第四章翻頭轉去快奏的奏鳴曲(sonata)抑輪旋奏鳴曲(rondo-sonata)形式,彼當陣的樂團並後來較細組,干焦安排樂器,無人聲。

貝多芬(Beethoven)自伊的第六號交響曲開始試新樂章結構兼摻寡標題音樂 (program music)的成份入去,伊的第九號交響曲的尾章加添聲樂者,路尾的交響曲的格式就攏加真活潑,羅馬派時期演變變樂章結構加較有變化,樂器安排較有變,標題音樂的主題意識較明。

20世紀的交響曲紲接頂世紀多元化的趨勢,交響曲的形式愈來愈無一个定著的標準,會使講,見若大型的,有扮的的交響樂曲就攏聽好掛這个名。