FANDOM


伊利亞德 (I-lī-a-tik),(古希臘文: Ἰλιάς, Ilias, 拉丁語Iliad)佮奧德賽(Odusseia)(英文: Odyssey)是兩首希臘古早的敘事詩,一般是共荷馬(Homeros)當做怹的作者,荷馬聽講是一个目暗的愛奧尼亞(Ionia)詩人

學者對到底有荷馬這个人無,閣若準有, 敢是仝一个人,猶咧捙盤,這也就是講, 伊利亞德佮奧德賽敢是一个作者寫出來的,抑者是誠濟浮浪詩人經過長時間做伙創作的,今猶無確定的答案,總是咱會當真清楚看出這兩首敘事詩是對一个真久長的khó͘-thoân歌詩傳統生湠的,嘛對後來的希臘、羅馬歐洲文化產生不止仔大的影響。

大部份學者共頂懸這兩首敘事詩看做希臘語言上早的文學作品,毋過嘛有人認為赫西俄德(Hesiodos)(英語:Hesiod)的作品年代閣較早,20世紀的大部份時間,伊利亞德佮奧德賽的年代攏予人掠做是佇西元前8世紀,毋過這馬誠濟學者 (包括Martin West佮Richard Seaford在內)認為應該是佇西元前7世紀或者是6世紀iā-kú-káⁿ。

伊利亞德的內容佮特洛伊(Troia)(Τροία,嘛講做 Ilion Ίλιον) 戰爭上尾一冬(第10冬)的代誌有底帶,"伊利亞德"(Ilias)這个字是"關係著伊利昂"的意思,"伊利昂"(Ilion)是城市的名號,若"特洛伊"(Troia)是以伊利昂(Ilion)做中心的城市邦國,兩个詞定定相替換來使用。


  • 這篇文章是對河佬百科(Holopedia)的:"Ilias"改來的,原本文章的作者請看伊的編輯歷史