喙

喙（tshuì）閣叫做喙腔（tshuì-khiunn）是人類或動物食物件第一个入口通道，一般位佇頭部，大部份的動物有一套複雜的消化系統，有雙个開喙，入口是喙，出口是尻川，嘛閣猶有動物簡單有一个開喙，食入佮排出是仝一个。

誠濟的動物喙內閣有喙齒(mouthparts)來哺咬食物或注射毒液。

佇人類，喙的外面有頂懸佮下跤兩片喙脣，怹有講話 (speech)、顏面表情(facial expression)、相唚(kissing)、吸吮 (sucking)等等功能。

人中(philtrum)是頂懸喙脣中央一條徛直的塌窩，是胚胎發育期間nasomedial佮maxillary程序相佮做伙的痕跡，若是無完全相佮成功，就出現缺脣、缺喙或Cleft palate的情形。

佇人類，喙內猶有喙齒、喙舌、齒岸佮黏膜的器官或組織。

解剖

喙腔的頭前是喙脣，尾後是喙咽，內底有喙齒、齒槽佮喙舌，四面壁包覆喙腔黏膜(oral mucosa)，以喙齒或無齒脊 (edentulous ridge)或分界，喙齒進前的喙腔是喙腔前庭區(vestibulum oris)，閣會當幼秀共分做脣前庭區(labial vestibule)佮頰前庭區 (buccal vestibule)，喙齒或無牙脊的後面是正喙腔 (cavum oris proprium)，賄舌佇遮呢。

喙腔黏膜有兩類，一類是角化上皮，另一類是非角化上皮，喙舌的頂懸表面，hard palate，佮喙齒邊仔幾个 mm 的齒岸是角化上皮，其他所在是非角化上皮，喙腔黏膜的色緻基本上是紅色的，角化上皮的色緻較淺色，摸起來較橂硬，親像袂振動，非角化上皮色緻較深色，較柔軟，gâu振動，微血管看較明顯。

• 這篇文章是對河佬百科(Holopedia)的："Chhùi-khiuⁿ"改來的，原本文章的作者請看伊的編輯歷史。