FANDOM


(Thah)基本的來講, 是指佮佔地面積比起來,懸度加真濟的構造物抑建築物

西國建築內底, 塔主要是指軍事目的的遠望臺佮有宗教意義的建築物較濟, 若佇臺灣日本中國越南韓國朝鮮等等的東方國家,因為佛教的傳報,閣塔佇佛教裡有特的特殊的意義,所以自早的塔攏是佮佛教有關係的建築物佔大部份。

現此時"塔"這个詞佇逐款語言內底佮無仝語言中間猶欠缺真明確佮一致的定義,佇西國,有一寡縣的樓仔厝本身咧號名的時,嘛提塔這个詞來用,(英語: tower)。

無仝路用的塔修改

親像頭前講的,塔本身猶欠缺明確的的定義,下跤是完全照路用做標準的分類:

紀念性修改

一起khiàn講著塔佮佛教的關係,因為塔佇東方原起頭是做收納釋迦牟尼遺骨的路用,自來塔佇有佛教信仰的地區,就有釋迦牟尼的墓的意義,今佇臺灣,塔嘛已經起來做囥一般人骨頭烌的所在啊,號做靈骨塔
佇西國,塔有共地呢佮天頂相敆連的意義佇咧,塔嘛成做真濟教堂建築的一部份。
宗教方面掠外,嘛有單純為著紀念戰贏、建國或者是別項特殊事件來做的塔,成做都市裡特色景觀的塔佇近代真時行。

做通知抑通信修改

基督教教會建築的鐘塔,佮伊斯蘭教清真寺(masjid)的叫拜樓(英語: minaret),除了宗教的的紀念路用,閣用來做通知信徒祈禱禮拜等等的使用。
近代,出現時鐘塔這款通知時間的建築物,廣播電視普遍了後,為著放送信號的電波塔,嘛是屬佇通信佮通知這類的塔。

做搬送修改

電線通信線弓懸的鐵塔,(立在)佇大樓樓頂,利用懸度送水塔等等,攏屬佇這類。

做監視修改

自古早,就有佇城壁頂,或者是交界區域,起來做軍事望遠臺的塔,另外佇飛行機場裡,嘛有監看兼指揮飛行機管制塔佇咧。


  • 這篇文章是對河佬百科的:"Thah"改來的,原本文章的作者請看伊的編輯歷史

Ad blocker interference detected!


Wikia is a free-to-use site that makes money from advertising. We have a modified experience for viewers using ad blockers

Wikia is not accessible if you’ve made further modifications. Remove the custom ad blocker rule(s) and the page will load as expected.

Also on FANDOM

Random Wiki