多樣體（To-iūnn-thé；英語:manifold, 流形)是共簡單的空間相彎曲一个閣黏做伙的數學空間，可比講共二條線橛相拗予彎閣共怹的尾溜黏起來就會變成一个圓，若共一條長篙形紙的一爿先轉180°，閣佮另外一爿黏做伙，就會變成一个莫比烏斯(Möbius)圓帶，多樣體上蓋讚的所在就是會得用較簡單、較了解的空間來鬥，用無仝款的空間做素材，會當鬥無仝款的多樣體出來，比論講位相多樣體(topological manifold)、通微多樣體(differentiable manifold)，多樣體佇物理學的用途真大，像講古典力學的相空間佮廣義相對論的時空模型用的四維度假黎曼(Riemann)多樣體攏是通微多樣體。
- 這篇文章是對閩南語維基百科的："To-iūⁿ-thé"改來的，原本文章的作者請看伊的編輯歷史。