FANDOM


天狗熱(thian-káu-jia̍t;英語: dengue fever; 登革熱),嘛有人講斑痧(pan-sua),是一種過濾性病毒引起的急性傳染病。

發病的情形 修改

上基本的病症是按呢的::

  1. 連紲三到五工發高燒
  2. 嚴重頭殼疼
  3. 肌肉酸疼,規身軀關節疼
  4. 目睭箍 ( 目窩;眼窩)疼
  5. 刺酸 (噁心)、嘔吐佮出痲仔(出疹)
  6. 發燒期間凡勢隨時會流喙齒血佮鼻空血

囡仔病症通常比大人較輕,潛伏期大概是三到十四工,著病後凡勢會感覺極度的疲勞厭siān佮鬱卒的情形,有的人病症會惡化、出血、昏迷不醒、甚至死亡。

流傳的地區佮季節 修改

天狗熱較捷出現的季節是佇雨季(熱天)中間抑是講雨季拄拄好煞的時陣,天狗熱病症上嚴重的所在佇東南亞拉丁美洲

天狗熱按怎傳染 修改

天狗熱攏是靠烏跤蠓傳染的,烏跤蠓較癮佇日時出來討食,特別是早起時出日頭了後的二點鐘內佮欲暗仔日頭欲落山進前的幾點鐘內,假使患者佇咧拄拄發燒進前開始退燒過後的六到七工中間,若閣再予蠓仔叮著,病毒就會先傳染予蠓仔,才閣過別人,最後愈穢愈濟人,不而過,若和病人接觸卻是毋免驚講會予伊穢著。

按怎預防 修改

現此時閣無有效的疫苗通好預防天狗熱,所以上好的辦法就是避免予蠓蟲咬著、叮著,預防蠓蟲叮傷的撇步,請看下跤:

  • 出外旅遊的時,盡量較莫穿短(礻宛)衫仔佮短褲仔。
  • 徛宿的時,愛揀有空調抑是有紗窗的厝間。
  • 厝內底時常用殺蟲劑四界噴噴咧,欲睏進前,上好愛先晾蠓罩。
  • 有條件的時,會當佇身軀頂抹驅蠓劑(比論講"DEET"(避蚊胺),毋過囡仔若欲使用,就愛細膩)。
  • 姑不將愛佇樹林內底過暝的時,就愛攢一寡仔驅蠓劑,將衫褲和蠓罩攏總共噴噴咧。

治療 修改

  • 台語百科的內容只是提供參考,袂使看做醫療意見。任何健康問題應該問專業的醫護人員。

假使進前捌去過天狗熱病原地,啊倒轉來一月日之內發病,尤其有出血的症狀,應該愛趕緊看醫生,發高燒的時陣愛用燒水揉身軀,正確服用退燒藥來降溫(譬喻 paracetamol = acetaminophen = "撲熱息痛"),毋通服用含有"亞士畢靈"(aspirin)的藥仔,若無出血會加真嚴重,現此時嘛無特效的藥物會當有效來對付天狗熱出血,治療的時,病院方面會使提供輔助性的治療。


Ad blocker interference detected!


Wikia is a free-to-use site that makes money from advertising. We have a modified experience for viewers using ad blockers

Wikia is not accessible if you’ve made further modifications. Remove the custom ad blocker rule(s) and the page will load as expected.

Also on FANDOM

Random Wiki