FANDOM


宗教(tsong-kàu)是因為對上帝、超脫的存在,聖的物等等的信仰,互相結合(和超脫的對象的關係),相佮活動(比論禮拜等等),產生制度佮組織(廟寺教會等等),這規个態度、關係、組織的總稱。

宗教這个詞,是對日語漢字詞吸收來的,若原底的日語詞是日本幕府尾期,和美國簽通商條約的時陣,為著實際的需要對英語religion所做的翻譯。

宗教的定義 修改

窮實若欲講啥物是宗教,咱會發覺講隨人,真濟學者之間的看法攏各樣,逐个人無愛講了傷盡角,毋過嘛無愛講著霧霧無明。

有人是用體式、教義的定義來看,嘛有人是提經驗、感情、直覺、價值觀佮倫理的性質來做定義。

科學家人類學家共宗教當做是是佇文化內容內底發展起來的,一組抽象的觀念、價值佮經驗,原初的宗教真僫對社會佮文化活動內底拆分,佇遐的活動裡、風俗典禮攏予人看做是實際的,和自然的本質相仝的。

若其他的宗教學者(人因)咧共宗教定義的時陣,會去避免共宗教當做是社會佮心理上無仝的條規,也就是(人因)無較無愛共宗教想做是社會佮心理條規的一部份。

咱會用的共宗教定義做對聖的對象,超脫的對象的信仰,Rudolf Otto佇1917年出版的冊"聖的觀念" (The Idea of the Holy)內底,共宗教意識的本質定義做敬畏,敬畏是為神(聖的、上帝)的驚惶佮愛戀的透濫,若Friedrich Schleiermacher 佇18世紀尾期,是共宗教定義做一款"絕對倚靠的感覺"(feeling of absolute dependence)。

主要的宗教 修改

現此時世界主要的宗教有基督教 (20億人,佔33%)、伊斯蘭 (伊斯蘭教,13億人,佔22%)、印度教 (9億人,佔 15%)、佛教 (3億6千萬人,佔6%)、儒教 /道教 (2億3千萬人,佔4%).

頭前這款人額的統計,無法度講做甲蓋齊全,因為一个人的信仰,實在真僫掰會,閣真歹判斷。

閣就準共真濟其他的宗教掠外,大宗教內底,本身就有分做真濟教派,遮的仝宗教無仝教派之間,意見有可能真各樣,天差咧地的就有,若互相無承認對方,嘛是四常有的代誌。


  • 這篇文章是對河佬百科(Holopedia)的:"Chong-kàu"改來的,原本文章的作者請看伊的編輯歷史

Ad blocker interference detected!


Wikia is a free-to-use site that makes money from advertising. We have a modified experience for viewers using ad blockers

Wikia is not accessible if you’ve made further modifications. Remove the custom ad blocker rule(s) and the page will load as expected.

Also on FANDOM

Random Wiki