尪仔畫，嘛有號做bàng-gah，是一款美術創作的形態，尪仔畫會使是孤一張抑是連紲真濟張按照一定的順序鬥做一个系列，畫的面頂捷捷有文字，尪仔話有兩種普遍的款式：極加幾若張的（一般刊佇報紙、雜誌）佮刊較長的尪仔冊。
Ang-á-uē, mā ū hō-tsò bàng-gah, sī tsi̍t khuán bí-su̍t tshòng-tsok ê hîng-thài. Ang-á-uē ē-sái sī koo-tsi̍t-tiunn a̍h-sī liân-suà tsin tsē tiunn àn-tsiàu it-tīng ê sūn-sī tàu tsò tsi̍t ê hē-lia̍t. Uē ê bīn-tíng tsia̍p-tsia̍p ū bûn-jī. Ang-á-uē ū nn̄g tsióng phóo-phiàn ê khuán-sik: ki̍k-ke kuí-nā-tiunn--ê (it-puann khan tī pò-tsuá, tsa̍p-tsì) kah khan khah tn̂g ê ang-á-tsheh.
尪仔動畫是一種動畫，用電視、電影、電腦螢幕做媒體的形式，特別指日本anime（有時嘛號做bàng-gah）。
Ang-á-tōng-uē sī tsi̍t tsióng tōng-uē, iōng tiān-sī, tiān-iánn, tiān-náu îng-bōo tsò muî-thé ê hîng-sik, ti̍k-pia̍t tsí Ji̍t-pún anime (ū-sî mā hō-tsò bàng-gah).
定義[]
Bàng-gah欲按怎詳細來定義，有無仝款的看法，有的學者堅持講，尪仔畫的定義定著考慮伊是印刷品，抑是強調影像佮文字的依賴性，嘛有強調圖佮圖之間的連貫性，這个定義排除干焦一幕的尪仔圖，可比講魚夫的政治bàng-gah。
Bàng-gah beh án-tsuánn siông-sè lâi tīng-gī, ū bô kāng-khuán ê khuànn-huat. Ū-ê ha̍k-tsiá kian-tshî kóng, ang-á-uē ê tīng-gī tiānn-tio̍h khó-lū i sī ìn-suat-phín, a̍h-sī kiông-tiāu iánn-siòng kah bûn-jī ê i-lāi-sìng. Mā ū kiông-tiāu tôo kah tôo tsi-kan ê liân-kuàn-sìng. Tsit ê tīng-gī pâi-tû kan-na tsi̍t-bōo ê ang-á-tôo, khó-pí kóng Hî-hu ê tsìng-tī bàng-gah.
媒介[]
佇美國，印刷出版的尪仔較濟用筆佮墨水畫的，總是，嘛有人用顏料、蠟筆，抑是鉛筆，那來那濟人用電腦計算機的工具畫，Fumetti是將翕的相配"講話的雞胿仔"(speech balloon)的尪仔畫。
Muî-kài
Tī Bí-kok, ìn-suat tshut-pán ê ang-á khah tsē iōng pit kah ba̍k-tsuí uē--ê. Tsóng--sī, mā ū lâng iōng gân-liāu, la̍h-pit, a̍h-sī iân-pit; ná lâi ná tsē lâng iōng tiān-náu kè-sǹg-ki ê kang-khū uē. Fumetti sī tsiōng hip ê siòng phuè "kóng-uē ê ke-kui-á" (speets balloon) ê ang-á-uē.
題材的分類[]
- 政治尪仔畫（一款評論bàng-gah）
- 科幻尪仔畫
- 超人尪仔畫（英語：superhero comic books）
- 教育尪仔畫
- 色情尪仔畫
Tê-tsâi ê hun-luī
- Tsìng-tī ang-á-uē (tsi̍t khuán phîng-lūn bàng-gah)
- Kho-huàn ang-á-uē
- Tshiau-lâng ang-á-tsheh (Ing-gí: superhero comic books)
- Kàu-io̍k ang-á-uē
- Sik-tsîng ang-á-uē
表現的形式[]
- 尪仔小說（英語：graphical novel）
- 四格尪仔畫
Piáu-hiān ê hîng-sik
- Ang-á-siáu-suat (Ing-gí: graphical novel)
- Sì-keh ang-á-uē
地方的尪仔畫[]
- 美國bàng-gah
- 日本bàng-gah
- 臺灣bàng-gah
Tē-hng ê ang-á-uē
- Bí-kok bàng-gah
- Ji̍t-pún bàng-gah
- Tâi-uân bàng-gah
- 這篇文章嘛是對河佬百科(Holopedia)的："Ang-á-oē"改來的，原本文章的作者請看伊的編輯歷史。