建築（kiàn-tio̍k），是指提供予人徛起抑活動，有內部空間的構造物的phah-tat、設計、造作一直甲使用的整個過程，或者是這个過程中的一部份，閣有當陣，這个詞嘛指頭前講的這个構造物本身，總是構造物本身講建築物的較明確。
羅馬時代的建築家Marcus Vitruvius Pollio所寫的論建築 (De Architectura)是現此時猶佇咧上古早的建築學的冊，佇冊呢，Marcus Vitruvius Pollio 追求路用、堅固、lè-táu (venustas)這三點的同齊達成，若欲達成這三的目標，無藝術佮科學的理解是袂用得的。
語源[]
建築這个詞，原底是日語翻譯的漢字詞(建築)，佇日本明治早期，自底是用"造家"來講仝一項代誌，1894年，建築史家兼建築家伊東忠太(Itou Chiuta)佇論文：論Architecture的本義來選擇翻譯用字，向望會當共咱造家學會改名 (アーキテクチュールの本義を論じて其の訳字を撰定し我が造家学会の改名を望む)內底，主張Architecture："應該是屬佇世界上Fine Art的項物，毋是屬佇Industrial Art的項目"，伊認為著共翻譯做"建築"才有四伨。
明治時代的英文-日文辭典就已經用"建築的技術"來解說英文字"construction"啊，雖罔彼時陣是共這个詞當做"建設"的意思來用，毋過這个詞的實自來就存在佇字義呢，等伊東忠太(Itou Chiuta)提出用詞的建議了後，這个漢字詞才沓沓仔變做這馬咧講的意思，並且予中文佮河洛等等的語言吸收，佇無仝的語言內底使用。
相關的文章[]
- 建築學
- 建築物
- 這篇文章是對河佬百科(Holopedia)的："Kiàn-tio̍k"改來的，原本文章的作者請看伊的編輯歷史。