FANDOM


新加坡共和國(Sin-ka-pho Kiōng-hô-kok;英語: The Republic of Singapore)是馬來西亞半島(Peninsula of Malaysia)南方的島國,土地面積647.5 平方公里。

新加坡的人口有大約400萬人,華人(中國血統)占76.9%、馬來人14%、印度人7.7%、其他族群占1.4%。

主要的宗教有: 佛教、道教、伊斯蘭(Islam)教、基督教佮印度教。

馬來語 (Malay)是國語,英語、北京話(Mandarin)、塔米(Tamil)語攏是官方語言,其中英語又閣是行政用語,通用的工作語言。

華人族群的通用語言有: 北京話、福建(閩南語)、潮州、廣東話佮客話(Hakka)四大方言。

歷史 修改

新加坡歷史真短暫,早期主要是馬來人佇遮蹛,大約佇咧公元13、14 世紀彼陣,中國人就已經來到新馬地區,、 清時代的福建人,共新加坡叫做"Sit-la̍t"或者"Sit-la̍t-po·" ,公元1819年1月29號,英國東印度公司的辛勞斯坦福‧萊佛士(Stamford Raffles)來到新加坡,並且開始管轄這塊土地,公元1824年,新加坡正式成做英國的殖民地。

公元1941年,太平洋戰爭的時期,新加坡遭受日本人統治三年閣六月日,到甲1945年8月,英國才閣接管新加坡, 1959年,新加坡得著自治的地位,了後,佇1963年,又閣結合彼當時的馬來聯邦、沙勞越佮北婆羅州(也就是這陣的"沙巴" ),共同成立馬來西亞聯邦,脫離英國的統治,公元1965年8月9號,新加坡宣佈退出馬來西亞聯邦,正式成做一个主權獨立的國家

此去30年中間,新加坡經濟得著飛速的發展,成做東南亞重要的金融佮轉口貿易中心,是亞洲四小龍之一。

政治 修改

新加坡是議會制的國家,國家機構實行三權分立,總統是直接民選產生的,是國家的元首,國會議員嘛是選舉產生,阿總理是按國會多數黨當中產生,伊領導的內閣擁有行政權,總理會當對議員當中選出內閣成員。

西方國家批評講,新加坡人民行動黨長期掌控著新加坡的政治舞台,國會成員大多數攏是這个黨的人,阿前後三任的總理(李光耀、吳作棟佮李顯龍)嘛是來自這个黨,新加坡政府體制敢若閣較接近專制統治,抑和民主政治真無相(相同),抑毋過予人感覺驚奇佮稱讚的是,新加坡政府竟然是一个完全透明、清廉又閣高效的政府

經濟修改

公元1965年了後,新加坡的經濟迅速發展起來,成做新型的現代化工業國家,工業主要包括各類上大的煉油中心、化工、造船、電子佮機械等、著名的裕廊工業區 (英語:Jurong Industrial Park)就是佇新加坡,國際貿易佮金融業佇新加坡經濟當中扮演著真誠重要的角色,目前,新加坡是全球第四大外匯市場交易中心,干焦排佇紐約、倫敦佮東京的後壁,新加坡運輸業非常發達,這塊有全球上無閒、上鬧熱的港口佮機場,最近幾年,新加坡大量投資,計劃生物科技的產業發展,人民生活水平升懸,人均國民生產總值超過3萬美元,排佇世界頭幾名,旅遊業嘛佇國家整個的經濟結構當中占據重要的比重,來遮chhit迌,旅遊的人客主要來自日本、中國東南亞其他國家。


  • 這篇文章是對河佬百科(Holopedia)的:"Sin-ka-pho"改來的,原本文章的作者請看伊的編輯歷史

Ad blocker interference detected!


Wikia is a free-to-use site that makes money from advertising. We have a modified experience for viewers using ad blockers

Wikia is not accessible if you’ve made further modifications. Remove the custom ad blocker rule(s) and the page will load as expected.

Also on FANDOM

Random Wiki