FANDOM


田園(tshân-hn̂g) / (tshân) / (hn̂g)是作穡人種作農作物的所在。

有一寡地方的人對田園是有較幼的講法,
  • 田是咧講彼種專門用來種作生長其他愛浸地水中的植物的彼種"水田"。
  • 園是講彼種看植物需要才照頭仔來沃水的彼種田園,園因為若欲保持飽足的水分通應付植物生長需要,除了人工灌水以外,只有靠天落雨才有法度來達成,所以嘛有人共伊叫做"看天田"。

田園毋是原本生張就佇遐,真濟田園是對挖石頭、抾徙石頭、剉樹、割草、掘樹根草根來起先的,一畚箕一畚箕來抔,一擔一擔來擔,抑是一牛車一牛車來車沙塗佮壅肥等來加厚園塗園肉,改良塗質來完成的,為著欲確保界線佮保持園塗莫流失,四周圍嘛猶愛作一逝粗勇的園(田)岸,若無方便利用的水源嘛猶閣愛揣有泉水的所在來搤井上水抑是開窟擔水抽水來沃有需要的農作物,田園為著欲閃風有通時仔嘛猶愛佇向風的彼面來栽種防風林抑是圍防風樹。

田園毋管大細佮一般的事業仝款攏是經過幾若,甚至幾若代人的經營佮管理達來得著的,工商社會利益比較,逐个人攏有欲抑是無閒做某一項工課的選擇權,祖公仔無簡單耙塗控砂才來圍出一片田園,這馬放落來予咱承著,咱嘛有可能放予伊拋荒,真緊草就發滇、發密去,佗一工想起欲閣作,干焦除草欲除到盡可能愛閣過幾若冬,設使若攏莫巡、莫整理,一陣水流交際的大雨,園(田)岸來崩去,園塗園肉嘛一个手就割、流了了,正正是塵歸塵、土歸土,興衰是目(目聶)遐久的代誌,田園若是干焦田園爾爾,咱這馬自按呢放予伊拋荒,是毋是是另外一種的"國土流失"?


Ad blocker interference detected!


Wikia is a free-to-use site that makes money from advertising. We have a modified experience for viewers using ad blockers

Wikia is not accessible if you’ve made further modifications. Remove the custom ad blocker rule(s) and the page will load as expected.

Also on FANDOM

Random Wiki